Wikipedia-յում գովազդ. Ձեր համակարգիչը վարակված է վիրուսով

«Եթե Դուք Wikipedia-յում գովազդ եք տեսնում, ապա Ձեր համակարգիչը վարակված է վիրուսով»: Իր խոսքում այսպես է նշել Wikipedia-յի առաջարկների գծով տնորեն Ֆիլիպ Բոդետը: 

Ինտերնետային հանրագիտարան Wikipedia կայքը երբեք իր էջերում գովազդ չի տեղադրում: Այս մեծ ընկերությունը գոյատևում է բարեգործության միջոցով ստացված գումարներով: Բարեգործություն են անում միլիոնավոր մարդիկ ամբողջ աշխարհից, միջին հաշվով 30 ԱՄՆ դոլարի չափով: Ընկերությունը նշում է, որ երբեք իր էջում չի տեղադրելու գովազդ: Դա հուսադրող է: 

Սակայն եկեք վերադառնանք Wikipedia-յում երևացող գովազդին: Քանի որ կայքը գովազդ չի տեղադրում, ապա այնտեղ երևացող գովազդը ունի մեկ հավանական տարբերակ: Այդ տարբերակը այն է, որ Ձեր համակարգիչը վարակված է վիրուսով: Դուք, մտնելով աշխարհի ամենամեծ հանրագիտարանը, տեսնում եք գովազդ, որի «հեղինակը» հենց Ձեր համակարգիչն է: Վարաքվելով որոշակի վիրուսով, համակարգիչը այդ կայքում ավտոմատ տեղադրում է արդեն նախապես որոշված գովազդ: Ամեն ինչ շատ հեշտ է: Ուստի, եթե Դուք հանկարծ նկատեք գովազդ Wikipedia կայքում, համոզված եղեք, որ Ձեր համակարգիչը վիրուսոտ է:

(Հ.Գ. Հայաստանում դեռևս չի նկատվել նման դեպք: Ամենայն հավանականությամբ հակերները «Հայաստանի վրա չեն աշխատում»:)